Тений Йошкар-Олаште 250 утла аза шочын.
Совет Федерацийыште Марий Эл гыч представитель К.Косачёвын палемдымыж почеш, Йошкар-Олаште верланыше Перинатальный рӱдер кызытсе жаплан эн келшыше. Элыштына тыгай рӱдер икымше.
Кызыт тушто ӱдырамашлан, азалан чыла условийым ыштыме. Перинатальный рӱдерын кӱкшӧ технологиян корпусшым чоҥымо дене медполышым сайынрак пуаш, пренатальный диагностикым ышташ, мӱшкыран ӱдырамашын нелылыкшым ондакрак пален налаш йӧным ыштен. Тыгодым рӱдерым кызытсе жаплан келшыше технологий дене пойдарыме.
Ӱмаште 4535 аза шочын.