Виче олаште регион кокласе «Этно-красавица» моторлык да усталык калыкле конкурсышто марий ӱдыр сеҥен.
Карина Григорьева Марий Элын чапшым арален. Ӱдыр Виче кундемыште Кӱльмӱж районышто Мортъялыште ила. «Мый марий улам. Тидын дене моткоч кугешнем», — манеш Карина.
Конкурсым ончаш толшо-влаклан руш ӱдыр Дарина Рякина келшен. Тудо Интернет йӱклымаште эн шуко йӱкым поген.
Ӱдыр-влак Российым, Украиным, Анголым, Марий Элым да Таджикистаным ончыктеныт.
