Эн мастар


Тӱвыра пашаеҥ-влакын кечышт вашеш Морко посёлкысо Тӱвыра полатыште ты аланыште тыршыше-влаклан мастарлык конкурс эртаралтын. Тушто районысо клуб пашаеҥ-влак шке чолгалыкыштым ончыктеныт.

Сеҥышыш Красный Стекловар тӱвыра пӧртын художественный вуйлатышыже Ф.Кузмина лектын. Нужа клубым вуйлатыше А.Сайфуллина кокымшо лийын. Кумшо верым шке коклаштышт Кокласола тӱвыра пӧртын художественный вуйлатышыже Л.Александрова да Тат-Кушна тӱвыра пӧртын художественный вуйлатышыже Р.Гиллимов пайленыт.