2026 ий гыч пенсионер-влаклан федеральный кӱкшытыштӧ илен лекташ кӱлмӧ эн изи кугытым (ПМП) 16 288 теҥге манын палемдыме.
А регионлаште нуно ойыртемалтыт. Эн кугу – Чукотский АО-што (42 511), а эн изи Татарстан ден Мордовийыште (13 844). Тендан пенсийда регионысо ПМП деч изи гын, тудым автоматически кугемдат.
Марий Эл Правительствын 2025 ий 13 ноябрьысе 405-ше пунчалже почеш палемдыме: ик еҥлан шотлымаште илен лекташ ситыше эн изи кугыт 16 666 теҥгеш шуэш, тыгодым пенсионер-влаклан 14 333 теҥге лиеш, пашам ыштен кертше еҥ-влаклан – 18 166, йоча-шамычлан – 16 166 теҥге.
freepik сайт гыч налме фото.