5 декабрьыште Доброволец-влакын кечыштлан ятыр мероприятий эртен. Торжественный пайремыште Марий Элым Вуйлатыше Ю.Зайцеват лийын.
Тудо волонтёр-влакым поро кумылан, кеч-кунамат полшаш ямде улмыштлан тауштен. Ю.Зайцевын палемдымыж почеш, кундемыштына 86 тӱжем доброволец уло. Нуно шоҥгыеҥым ончат, медицине пашаеҥ-влаклан полшат, олам тӱзатыме верч азапланат, спорт, тӱвыра, экологий мероприятийлашке чулымын ушнат, йомшо-влакым кычалыт. Икманаш, поро пашам шукташ эреак ямде улыт.
Пайрем годым Ю.Зайцев ойыртемалтше волонтёр да нунын вуйлатышыштлан тауштымо серышым кучыктен. Тыгак доброволец-влакын мобилизоватлыме рвезе-влакын ешыштлан полышым шуктымышт нерген ойлен.
