Марий Элым вуйлатыше Александр Евстифеев тулык икшыве-влаклан пачерым да социальный объект-влакым чоҥаш 77 млн утла теҥгем ойырен.
Тулык, ача-ава деч посна кодшо икшыве-влаклан илыме верым налаш 29073,4 тӱжем теҥгем палемдыме. Марий Элым вуйлатыше тыгак Медведево районысо рӱдӧ эмлымверым чоҥаш верым шымлаш да проект пашам шукташ 15 млн. теҥгем ойырен, Волжск оласе рӱдӧ эмлымверын азам ыштыме пӧлкажын 1-ше ден 2-шо комплексшым чоҥен пытараш – 33 млн теҥгем.