РФ Налоговый кодексын 219-ше статьяжын 2-шо пунктшо почеш, врачын возен пуымо эмым, медицине услугым налме роскот гыч социальный налоговый вычетым (13%) налын кертыда. Тидым пелаш, ача-ава, тыгак 18 ийым темыдыме йоча (ончаш налмат) да подопечный-влак олмешат ышташ лиеш. Вычетым идалык мучко, тыгак эртыше кум ийлан пӧртылташ лиеш, умылтара Налог шотышто федеральный службын Марий Эл Республикысе управленийжын пресс-службыжо.
Социальный налоговый вычет дене пайдаланаш манын, еҥын налоговый резидент статусшо да налогым тӱлыман доходшо лийшаш улыт.
Тӱлен эмлалтмаш медицине услуго але шергакан эмлалтмаш переченьыш пурышаш. Социальный вычетыш эмым налаш кайыше роскотымат пурташ лиеш. Но ты эмым врач возен пуышаш, да тудым шке окса кӱшеш налман.
Эмлалтмылан социальный налоговый вычетым пашам пуышо (работодатель) дечат налаш лиеш, тудо пашадарда гыч налогым ок кучо.
Кумданрак 11 февральысе газетыште лудса. Кевыт