Марий Элысе полицийын пашаеҥже-влак «Пангея» тӱнямбал операцийыш ушненыт. Тудо эмым закондымын ужалыме шотышто осал пашам шижтарыме дене кылдалтын.
Кундемыштына 234 аптекым, кевытым, моторлык салоным, интернет-сайтым, транспорт средствам, стоматологий клиникым, ФАП-ым, врачебный амбулаторийым, ветеринар клиникым, тыгак эмым ыштыше предприятий ден эмлымвер-влакым тергыме. Чылаже 26 правонарушенийым пален налме. 500 утла медсредствам ужалаш чарыме, 100 тӱжем теҥгеаш штрафым пуымо. Тылеч посна 16 интернет-ресурсым мумо да блокироватлыме.