2024 ийыште Марий Элыште диспансерный тергымаште улшо да лӱдыкшӧ группыш пурышо черлыеҥ-влаклан шӱм-вӱргорно системе чер-влак да нунын годым осложнений лийме деч профилактикылан 82,6 млн наре теҥгеаш эмым наледыме.
Тышеч 81 млн теҥгежым федеральный бюджет гыч ойырымо, 1,6 млн теҥгем – республикысе бюджет гыч. Эмым «Здравоохранение» нацпроектын «Борьба с сердечно-сосудистыми заболеваниями» регионысо проектлан келшышын наледеныт. Шӱм-вӱргорно системе чер дене черланыше еҥ-шамыч кокла гыч 100 процентшылан амбулаторийыште эмлалтме годым эмым пуымо.
Ты проектым илышыш шыҥдараш ӱмаште чылаже 133 млн наре теҥгем ойырымо. Эм деч посна медицинский оборудованийым наледыме: Йошкар-Оласе клинический эмлымверыште верланыше регионысо сосудистый рӱдерлан, Волжск оласе да Шернур районысо рӱдӧ эмлымверласе первичный сосудистый рӱдерыштлан.
2025 ийыште «Борьба с сердечно-сосудистыми заболеваниями» федеральный программе почеш мероприятий-влак «Продолжительная и активная жизнь» у нацпроект кышкарыште эртаралтыт.
https://www.freepik.com/ сайт гыч налме фото.