26-29 майыште Москошто Гостиный дворышто «Лидеры России» конкурсын суперфиналже лиеш. Тушко 300 управленец ушна, нунын кокла гыч иктыже – Йошкар-Оласе предприниматель Иван Поспехов.
Иван – индивидуальный предприниматель, юрист семын полышым пуа, тыгак краевед. 2020 ийыште Йошкар-Оласе троллейбус транспортын историйже нерген оҥай шымлымашыжым савыктен луктын.
Суперфиналышке ушнымыж дене тудо 1 млн теҥге грантым налеш, а сеҥа гын, элнан палыме управленецше-влак: Россий Правительствын Председательже да вице-премьерже-влак, Россий Президент Администрацийым вуйлатышын алмаштышыже-влак, федеральный министр-шамыч дене пашам ышташ йӧн лиеш.
29 майыште суперфиналым иктешлат да сеҥыше-влакым палемдат. Суперфиналыште участник-влак элнан палыме вуйлатыше, наставник, эксперт, конкурсын унаже-влак дене мутланен кертыт.