Оборонно-массовый ден военно патриотический паша месячникым торжественно почмаш 26 январьыште Йошкар-Олаште эртен. Самырык-влак Полатыште Шарнымаш ийын итогшым иктешлыме да 2021 ийлан ыштышыаш паша планым каҥашыме. Тиде мероприятийын ик участникше, ДОСААФ региональный отеленийын вуйлатышыже Вячеслав Тихоновын мутшо почеш «ончыкылык- самырык-влак кидыште», санденак нуно тиде пашалан кумылын пижыт. Кажне ийын шке элым йӧратыме да тудым аралаш тунемме шӱлыш пуртымо паша деке нуно шукемыт да шӱмаҥыт. Районлаште, поснак кадет, юнармеец движений тиде месячниклан чот ямдылалтеш. Тений пандемийлан кӧра, шукылан республике кӱкшытыштӧ эртаралтше тиде торжествнный мероприятийын участникше лияш йӧн лийын огыл гынат, ӱшанаш лиеш, 23 февраль марте эртаралтше оборонн-массовый паша план тӱрыснек шуктымо лиеш. Йошкар-Олаште илыше Вохминцевмыт еш: СевТрансНефть компанийын инженерже Антон Николаевич, пелашыже, Марий республике тӱвыра колледжын преподавательже Наталья Сергеевна, 9-ше номеран школышто, 8-ше классыште тунемше, юнармеец Елисей эргышт ден 2-шо классыште тунемше Алиса ӱдырышт да кувавашт Лидия Петровна военно-патриотический пашалан кугу кумылан улыт да тиде пашашке икгана веле огыл ушнат. Поснак сай шомакым Елисей эргышт нерген каласыман. Тудо 2020 ийсе военно-патриотичекий движений конкурсын сеҥышыже , «Разведчик» клубын участникше, «Рукопашный бой» секцийын активный членже. Алиса изаже де почеш ок код. Тудо баскетбол секцийыш да танцевальный школышко коштеш. Очыни, кугурак лиймекше тудат «Юнармеец» ешышке ушна.
16-шо школын 8-ше классыште тунемше, ГТО дене «шӧртньӧ значкым» нумалше Адель Сафин, ден 7 классышке коштшо «Самбо» дене спортсменке Даша Мосолова-юнармеец улыт. Оборонн0 массовый пашыште ойыртемалтыт.
