26 январь гыч 23 февраль марте Республик мучко оборонно-массовый да военно-патриотический месячник эртаралтеш.
Тиде ийын месячник Элым аралыше-влакын да историеш кышам кодышо кече-влаклан пӧлеклалтеш: князь да полководец Александр Невскийын шочмыжлан 800 ий, маршал Г.К.Жуковын – 125 ий, Кугу Отечественный сар тӱҥалмылан 80 ий да молат.
26 январьыште Самырык-влакын полатыштышт тиде месячник почылтын. Пандемийлан кӧра тений церемонийым YouTube каналыште ончыктеныт.
Ончышо-влаклан кудымшо рото десант-влакын подвигыштлан пӧлеклалтше «Рота, шагнувшая в бессмертие» выставкым, Республикысе ДОСААФ-ын «Покорители неба» стендшым, «Мой семейный архив» республикысе конкурсышто сеҥыше-влакын видеоштым ямдыленыт.
Месячник эртыме жапыште тӱрлӧ направлений дене 50 утла тӱрлӧ мероприятий лийшаш. Нунын кокла гыч икмынярже онлайн йӧн дене эртаралтыт: класс шагат, ветеран-влак дене вашлиймаш-влак, Республикысе МВД-н да Военный комиссариатын тоштерышт гыч экскурсий-влак.
Интернет гыч налме фото.