СВО-н ветеранже, «Герои Марий Эл. Талешке-влак» программын участникше Ислам Мансурович Шагиев: «Мый эллан кызытсе деч шукырак ыштен кертам. Тиде мыйын проектыш ушнымемын тӱҥ амалже. Кушкын толшо тукымым куштымаш мыланем поснак кӱлешан».
Передовой гыч пӧртылмек, тудо эллан пайдам кондымым чарнен огыл. Кӱшыл шинчымашан да вияҥаш тыршыше Ислам «Тимер» спорт клубым служитлыме батальонжо лӱмеш негызлен. Тыште еҥ-влак физический ямдылалтыт, а тудын воспитанникше-влак вий троеборьеште кугу лектышыш шуыныт, командный первенствыште ончыл позицийым налыныт.
Ислам тиде клубышто у направленийым – военно-патриотический рӱдерым — почаш ямде. «СВО-м эртыше еҥ-влак элнам вес шинчаончалтыш дене ончат. Нуно тудын верч шке вий-куатыштым пуаш ямде улыт», — ойла ветеран.
Тыгай инициативе мемнан республиклан кӱлешан. Ветеран-влаклан полшымаш, нунын чолга граждан позицийышт да самырык-вла кденепашам ыштымышт — ончыкылык Россий ден Марий Элын негызше.