Ямалысе учёный-влак да Канада гыч нунын коллегышт ненец, хант да англичан йылмыла дене «Умный оленёнок» лӱман электрон книгам ямдыленыт.
Тудо самырык-влакым Йӱдвел калыкын тӱвыраж дене палымым ышта, шуко шомак дене палдара. Тыгай интернет-савыктышым рушлат ыштыме. Тудым йочасадлаште, тӱҥалтыш класслаште методический пособий семын кучылташ лиеш. Тушто кроссворд, оҥай заданий ден ребус-влакат улыт. Электрон книга Канадысе социальный ден гуманитарный науко областьлаште шымлыме советын тӱнямбал проектыштлан кӧра ош тӱням ужын.