Июнь мучаш гыч июль тӱҥалтыш марте Таймырысе краеведческий тоштерын пашаеҥже-влак экспедицийыште лийыныт. Тудым Норильскым вияҥдыме Агентстве ден «Анабар тур» туроператор эртареныт. Участник-влак Хатанга селам, Таймыр ерын касвел ужашыжым, Унга эҥерым, Челюскин мысым, кудалтен кайыме «Солнечная» полярный станцийым, Бырранга курыкым да молымат ончен лектыныт. Кушто лиймыштым нуно возеныт, полярник-шамыч дене интервьюм ямдыленыт, фото-влакым ыштеныт, тоштерын фондшым пойдараш манын, артефакт-влакым погеныт.