Кодшо кечылаште Йошкар-Оласе торгово-технологический колледжын студентше-влак #ОНИ_КОВАЛИ_ПОБЕДУ акций почешверысе кондитер фабрикыш экскурсий дене миен коштыныт.
Сар жапыште тыште ыштен лукмо сатум фронтыш колтеныт. 1945 ийыште 118,4 тонн шере кочкышым ямдыленыт: кампетым, печеньым, пряникым да молымат.
Тиддеч ончыч ты акций почеш Марий Элысе Автодорожный техникумын студентше-влак МарГУ-со историй тоштерыш миеныт. Кугу Отечественный сар годым вузысо туныктышо, студент-влак фронтлан кузе полшен шогымышт нерген пален налыныт.