Российын экономике вияҥмаш министрже М.Решетников ден Марий Элым Вуйлатыше Ю.Зайцев вашлиймашым эртареныт. Нуно республикыште посна экономический зоным (ОЭЗ) ыштыме нерген ойленыт. Тидын шотышто йодмашым министерствыш 2024 ийыште пуышаш улыт.
Кызытсе жаплан Волжск олаште да Волжский районышто логистике, холодильный оборудований ден быт химий сату производство аланыште инвестиций проект-влакым илышыш пуртымо нерген потенциальный инвестор-влак дене соглашенийым ыштеныт.
Вашлиймаш годым тыгак машиностроительный кластерым вияҥдыше у проект-влак нерген ойленыт, инвестиций кугыт – 10 млрд теҥге. М.Решетниковын палемдымыж почеш, Марий Элым вияҥдаш полшышо отрасль-влак коклаште – промышленность, ялозанлык да эҥерысе туризм.