Экономический диктант ты гана 11 октябрьыште лиеш. Тудым эртарыме тӱҥ амал: калыкын экономике шотышто грамотностьшым нӧлталаш.
Диктантым офлайн да онлайн возаш лиеш. Икымшым ойырен налыда гын, палемдыме верыш толын возыман. Туштак акцийыш ушнымо нерген сертификатым пуат. А результатым Экономический диктантын сайтыштыже https://diktant.org/ «Результаты» радамыште муын кертыда.
Онлайн диктантым возаш шонышо-влак сото телефон але компьютер дене 11 октябрьыште 5 шагат эр гыч 10 шагат кас марте https://diktant.org/ сайтыште возен кертыт. Но регистрацийым ончылгоч эртышаш улыт. Сертификатым личный кабинетыште муаш лиеш.
85 балл деч утларак погышо участник-влакым финалыш ӱжыт.