22 апрельыште Марий Элым Вуйлатыше Ю.Зайцев Госсоветын «Экономике ден финанс» направленийже дене заседанийышкыже видеоконференций йӧн дене ушнен.
Тушто Россий Федерацийын шым субъектшым вуйлатыше, исполнительный властьын профильный федеральный ден региональный органжын представительышт элыштына национальный ден федеральный проект-влакым 2030 ий марте да ончыкыжым 2036 ий марте шуктымо да финансирований йӧн-влак нерген каҥашеныт.
Россий Президентын полышкалышыже Игорь Левитинын мутшо почеш, «Экономике ден финанс» направлений дене комиссий нацпроектым софинансироватлыме да бюджетный кредит ден ориентирований шотышто Президентын кӱштымашыжым шуктымаш шотышто чыла кундемын темлымашыжым иктешлышаш.
Марий Элыште «Экономический рост» направлений почеш предприятийлаште производительностьым кугемдыме шотышто 11 проектым шыҥдарыме, аныклыме производство шотышто 25 инструкторым ямдылыме, 26 предприятийлан адресно полшымо. Тыгодым предприятий-участник-влакын производство процессышт 42 процентлан иземын, а чумыр выработко 25 процентлан шукемын, паша производительность – 15 процентлан.
Тыгай кӱкшытыш «Производительность труда», «Малое и среднее
предпринимательство и поддержка индивидуальной предпринимательской
инициативы», «Международная кооперация и экспорт» нацпроект-влаклан да «Цифровая экономика» национальный программылан кӧра шумо.
Эльвира Терентьева.