Рособрнадзорын палемдымыж почеш, ЕГЭ-м пытараш огыт шоно, лишыл ийлаште тушко вашталтышымат пурташ палемдыме огыл. Тидын нерген Рособрнадзорым вуйлатыше А.Музаев «РИА Новости» информационный агентствылан интервьюм пуымыж годым ойлен. Тудын мутшо почеш, кызыт экзамен-шамыч сайын, шот дене эртаралтыт, эксперт-влак деч вуйшиймаш уке. Тудо ойлен: «ЕГЭ-м кораҥдаш шукын йодыныт. Но тудым мо дене вашталташ кӱлмым иктат темлен огыл».