ЕГЭ-лан чын ямдылалт!

Марий Эл Республикысе Образований да науко министерствын соцкылже гыч налме фото.

25-30 апрельыште Рособрнадзор выпускник-влаклан экзаменлан ямдылалтме шотышто «ЕГЭ – это про100» онлайн-марафоным эртара.

Трансляций-влак Рособрнадзорын «ВКонтакте» соцкылысе тӱшкаштыже да Rutube каналыштыже лийыт.

Тыгай марафон ынде кумшо ий эртаралтеш. Тушко ушнышо-влак онлайн йӧн дене кутырен кертыт. Трансляций-влак ЕГЭ-лан чын ямдылалташ, заданий-влакым лончылаш, экзаменыште шкем пеҥгыдын кучаш полшат.

Ятыр йодышлан школласе туныктышо, выпускник, тӱрлӧ предмет дене экзамен материалым чумырышо комиссийын еҥже-влак вашештат. Кажне кечын кок предметым ончен лектыт.