Марий Эл воинский учётын единый реестрже кугыжаныш информационный системыштыже тергымашым эртышаш. Ты системе калыклан военный комиссариатла дене кылым ышташ полша.
Воинский учётын единый реестрже калыклан йӧнан. Тыгодым еҥ-влаклан военный комиссариатыш коштмо ок кӱл, воинский учёт шотышто йодышым дистанционно решатлаш да тидлан Госуслуго порталыште воинский учёт сервисым кучылташат лиеш.
Единый реестрын личный кабинетыштыже кажне еҥ тудлан колтымо (але кучыктымо) повестке да моло увер дене палыме лийын кертеш (реестрповесток.рф).
Реестрым Россий Миноборонын заказше почеш Российысе Минцифре шукта.
Реестрыш увер-влакым кугыжаныш кучем, муниципалитет, образовательный организаций да пашам пуышо-влак пуат. Нине данный-влакым Россий Минобороно информационный лӱдыкшыдымылык шотышто ӱшанлын арала.
Ты системын пашажым тергаш манын, кызыт воинский учётышто шогышо-влаклан нуным реестрыш пуртымо шотышто уверым лишыл жапыште колтат, тыгак вашталтыш улмо нергенат ончыктат.
Тыгай увер-шамыч Госуслуго порталышке 15 сентябрь гыч толаш тӱҥалыт. Ида тургыжлане – уверлам информаций семын колтылыт да иктаж-могай действийым ышташ огыт кӱштӧ.