Ече дене талын куржталат?

("Виктория" Олимпийский резерв спорт школын сайтше гыч налме фото)

3-4 февральыште тунемме да тренироватлалтме  «Корта» ече базыште тунемше-влак коклаште «Пионерская правда» газетын призше верч ече дене таҥасымаш эрта.

Таҥасымаш «Спорт – норма жизни» федеральный проектын «Демографий нацпроектше кӱшеш лиеш. Тушто сеҥыше ӱдыр-рвезе-влак ече дене Марий Эл Республикын сборный командышкыже логалыт. Тыге Российысе таҥасымашын финалышкыже логалаш корным почыт. Тудо 5-10 мартыште Ижевскыште эрта. Регионысо йыжыҥыш ушнаш манын, https://orgeo.ru/event/33093 ссылке почеш регистрацийым 1 февраль 12 шагат марте ыштыман.