Эҥыж шарлен ынже куш манын, вондо йыр шинчаланшудым ӱдаш лиеш. Тудын лукмо вещества эҥыж вожлан шарлаш ок пу. Но шинчаланшудым 50 см деч шагал огыл лопкытыш ӱдыман.
Южо сад-пакчазе-влак палемдат: эҥыж спаржан да пырчан фасоль деч ӧрдыжтырак кушкаш тырша. Фасоль вожышто улшо клубеньковый манме бактерий мландым азот дене пойдара, а азотан ӱяҥдыш эҥыжлан кушкаш ок пу.
Тыгак кайыкшӱльӧ (метлица) эҥыжлан шарлен каяш ок пу.