Эҥыж шолдыра лийже манын, шошым ӱяҥдышым шаваш кӱлеш.
Ик литр терысым 10 литр леве вӱд дене иктеш варыза. Чыве терысым кучылтмо годым вӱдым кок пачаш шукырак налман. Кажне вондо йымак 1 литр дене оптыман.
Кок кугу совла гранулироватлыме суперфосфатым 10 литр вӱдыштӧ шулыктарыман, тушко ик кугу совла калиян кеч-могай ӱяҥдышым ешарыман.
10 литр вӱдыштӧ 3 кугу совла азофоскым але кемирым шулыктарыман да кажне вондыш ик литр дене оптыман.