- Эҥыжвондыш моло пакчасаска семынак вӱдым шавыман. Поснак вондер кушкаш тӱҥалме, пеледме да саскам пуымо годым тидым ыштыман.
- Ӱяҥдыман. Ты сомылым май кыдалне ышташ келшен толеш. Эҥыжвондылан азот кӱлеш. Тыгак посна ямдылыме ушкал ден чыве терыс пайдале. Ик квадрат метр йыраҥлан 3-5 литр ямде вартышым шавыман. Фосфор да калий, суперфосфат да сернокислый калий вондерлан вияҥаш полшат.
- Вондерын вожшо ынже кылме але уто вӱдыжгӧ дене шӱаш ынже тӱҥал манын, тудым торф, олыман терыс, кечшудо шӱк, пилашÿк але тыгыде укш-влак дене петырыман.
- Лум шулымеке, кошкышо да кылмыше укшлам пӱчкедыман. Саска сайын да шуко шочшо манын, у укш-влакым тыгак кораҥдыман.
- Шошым эҥыжвондыш ик процентан бордоской вишкыде веществам шыжыктыман. Тудо вондерым тӱрлӧ чер да паразит деч аралаш полша.