Звенигово оласе Гагарин уремын 3-шо номеран пӧртшӧ тураште 19 сентябрьыште 8 шагатлан аварий лиймылан кӧра ола мучко йӱштӧ вӱд лийын огыл. Аварийым вӱдым пуымо системыште 14 шагатлан веле кораҥдыме. Тыге олаште илыше-влак ныл шагат утла вӱд деч посна шинченыт, а тидыже законым шуктыдымылан шотлалтеш. Тыгак лийын 1, 14 да 16 сентябрьыште.
Звенигово районын прокуратуржо Звенигово оласе «Водоканал» МУП-н директоржылан представленийым луктын. Тудын почеш вич должностной лицам дисциплинарно мут кучаш шогалтыме.
Тылеч посна районысо прокурорын алмаштышыже предприятий директор шотышто РФ КоАП-н 7.23 статьяж почеш административный правонарушений шотышто делам тарватен. Марий Элысе кугыжаныш жилищный надзор департаментын пунчалже почеш, должностной лицалан шижтарымашым пуымо. Пунчал законло вийым налын шуктен огыл.