Еҥ-влак шке ойыреныт

2021 ийыште Йошкар-Оласе тӱшка верлам тӱзаташ палемдыме.

Йошкар-Оласе административный округын озанлык управленийже 2021 ийыште рӱдоласе общественный кумдыклам тӱзатыме шотышто электрон аукционым увертарен.

Тиде паша «Формирование комфортной городской среды» федеральный проект почеш ышталтеш да «Жильё и городская среда» нацпроектыш пура.

Ачалаш кӱлмӧ тӱшкан коштмо верлам оласе порталыште еҥ-влакын йӱклымашыштлан келшышын ойырен налыныт.

Шушаш идалыкыште тыгай верлаште ачалымаш паша тӱҥалеш:

  • Йошкар-Оласе тӱвыра да каныме рӱдӧ паркын кечывалвел-касвел ужашыже.
  • Йыван Кырла уремысе «Планета» ужалыме рӱдер шеҥгелнысе кумдык.
  • Ленинский проспектысе йолын коштмо вер (Первомайский да Рябинин уремла коклаште).
  • Суворов урем (Машиностроитель ден Ползунов уремла коклаште).
  • Пролетарский урем (Вознесенский ден Машиностроитель уремла коклаште).

Аукционын тӱҥалтыш акше – 74 млн теҥге. Тидын нерген Йошкар-Олан мэрийыштыже увертареныт. Аукционышто сеҥыше чоҥымо организаций-влак пашам вес ий 1-ше апрельыште тӱҥалын, 31 июль марте ыштен пытарышаш улыт.