Марий Элысе эҥерлаште вашке ий шулаш тӱҥалеш. Садлан ий ӱмбаке лекташ огеш лий!
МЧС пашаеҥ-влакын ийым вискалымышт почеш, Юл эҥерын Чебоксар ГЭС водохранилище лишне кӱжгытшӧ 5 сантиметрышкат огеш шу. Эҥер иксаште (затонышто) да вӱдлуклаште (заливыште) — 20 см наре, тыгак сер воктене ий вичкыж.
Изи Какшаныштат ий чотак коралтын, а Йошкар-Оласе Ширяйково микрорайонышто вияш йогын палдырна.
Кызыт ий пеҥгыдын коеш, но чынжым гын, тудо айдемын нелытшым ок чыте.