21-23 апрельыште Нижний Новгородышто 13 ияш марте спортсмен-влак коклаште Юл кундем федеральный округын дзюдо дене чемпионатше лийын. Тушто Марий Элын чапшым 2011-2012 ийлаште шочшо, республикнан сборный командышкыже пурышо ӱдыр-рвезе-влак 30, 34, 38, 42 килограмман да утларак нелытан категорийыште таҥасеныт.
52 килограмм нелытан ӱдыр-влак коклаште Алина Белоусова кокымшо верым налын, тренерже – Л.П.Лылова. 30 килограмм нелытан-влак коклаште Анна Дмитриева кумшо лийын. Тудо А.А.Парсаева дене тренироватлалтеш.