Марий Эл гыч дзюдоист Тимофей Ведесов Юл кундемысе федеральный округын 18 ияш марте первенствыштыже шӧртньӧ медальым сеҥен.
7 сентябрьыште Чебоксарыште 18 ияш марте ӱдыр-рвезе-влак коклаште дзюдо дене ПФО-н первенствыже мучашлалтын. Тушто Марий Элысе атлет-влак шке вийыштым тергеныт. 66 килограмм нелытан-влак коклаште Тимофей Ведесов чылам ончылтен. Дзюдоист куд вашпижмаш сайын эртен. Тидын дене спорт мастерлан кандидатлык нормативым шуктен.
Таҥасымашыште Юл кундемысе федеральный округын чыла регионжо гыч 521 участник кредалын.
«Дзюдо Йошкар-Ола» тӱшка гыч налме фото.