21 мартыште Национальный художественный галерейыште «МАРГОСКИ» ончер почылтын.
Тудын авторжо – Москосо «Промграфика» галерейын арт-директоржо И.Бодрова. Оҥай лӱман ончер святой ӱдырамаш-влакын пайремыштлан пӧлеклалтын. Тудо Кугече деч вара кокымшо рушарнянже лиеш да Мироносице пелаш-влакын кечышт маналтеш. Экспозицийлаште Москосо 30 наре мастарын изосымыктышысе тӱрлӧ видысе паша ончыкталтын. Нуно ӱдырамаш тӱням тӱрлӧ могырым почыт.