Пашам ыштыме годым ӱдырамашлан могай нелытым нумалаш лийме шотышто иктаж нормо уло мо?
Светлана.
Юрино район.
Юрино районын прокуроржо Иван Кузьминых вашешта:
– РФ Паша кодексын 253-шо статьяжын 2-шо ужашыж дене келшышын, ӱдырамашын пашаже нелытым нӧлтыштмӧ дене кылдалтын гын, нормо деч нелыракым нумалшаш огыл.
Тыгай нелытым нӧлташ да нумалаш лиеш:
10 кг марте – шагатыште кок гана деч шуко огыл, тыгодым коклаште куштылгырак вес пашам ыштыман;
7 кг марте – смене мучко.
Ик гана эн шукыжо 15 килограммым тарваташ лиеш.
Ик шагат жапыште пашам ыштыме вер гыч нӧлталме нелыт, пырля ушымеке, 350 кг деч неле лийшаш огыл, кӱвар гыч тарватыме годым – 175 кг деч шуко огыл.
Фотом интернет гыч налме.