Ӱдырамаш марийжым пуштын

Медведево посёлкышто 53 ияш ӱдырамаш пырля илыше 41 ияш пӧръеҥ дене 27 февральыште кастене кочывӱдым йӱыныт. Коклаштышт умылыдымаш лектын да озавате пӧръеҥым кухньышто кучылтмо товар дене вуйжо гыч икмыняр гана перен. Пӧръеҥ тунамак колен, а ӱдырамаш эрдене веле мо лиймым умылен да полицийым ӱжыктен.

Россий Следствий комитетын следствий управленийжын Марий Элысе пӧлкажын сайтше гыч налме фото.