Пекиныште Телымсе Олимпийский модмаште биатлон дене Российысе ӱдырамаш команде (сборный) эстафетыште ший медальым сеҥен налын.
Командышке пурышо Ирина Казакевич, Кристина Резцова, Светлана Миронова да Ульяна Нигматуллина, Швецийын командыжым ончык колтен, а Германийын сборныйжым поктен шуын, финишыш кокымшо толыныт.
Тидын деч ончыч биатлон дене Российысе пӧръеҥ команде той медальын призёрышт лийын.