Йошкар-Оласе 1-ше номеран коррекционный школын ӱдыр-влак командыже «Футбол в коррекционной школе» Российысе таҥасымашыште эн тале лийын. Таҥасымаш Озаҥ олаште эртаралтын.
Командын спортсменкыже Ева Беляева ӱдыр-влак коклаште турнирын эн тале модшыжо семын палемдалтын. А нунын туныктышышт Леонид Решетов эн сай тренер лӱмым сулен.
Марий Элысе рвезе-шамычын командышт ты таҥасымашын тӱшка зачётыштыжо индешымше верым налын.