Доброволец-влакын ончерышт

«Образований» нацпроектын «Социальная активность» регионысо проектше почеш Марий Эл Республикысе добровольчестве ресурс рӱдер «Добро в Марий Эл» выставкым чумырен.

Тушто Марий Элысе доброволец-влакын ыштыме 18 проектышт нерген баннер уло. Ты выставке декабрь марте тӱрлӧ районлаште лиеш. Эн ондак эстафетым Марий Турек районлан пуэныт. Выставке посёлкысо администраций зданий образований пӧлкан холлыштыжо верланен.