Дистанционный электрон йӱклымаш йӧным тергат

12-14 майыште посна тест дене дистанционный электрон йӱклымашын программыжым тергат.

Дистанционный электрон йӱклымаш – кызытсе илышлан келыштаралтше йӱклымӧ йӧн. Тыгодым сайлымаш участкыш коштман огыл. Йӱклымашлан vybory.gov.ru порталыш компьютер але мобильный телефон гоч пурыман.

Марий Элыште дистанционный электрон йӱклымаш тестыш 19362 еҥ йодмашым пуэн, тиде – регистрацийым эртыше сайлыше-влак кокла гыч 3,6 % .

Тестирований шотышто лекше йодышым 8-800-200-36-20 телефон дене рашемден кертыда.

Ушештарена, тений 19 сентябрьыште Республикна мучко сайлымаш лиеш: РФ-ын Федеральный Погынжын кандашымше созыв Кугыжаныш Думыш депутат-влакым да Марий Элын Кугыжаныш Погынышкыжо «Йошкар-Ола» округыш депутат-влакым ешарен сайлат.

 

Валентина Семёнова.