Кудло утла еҥ Йошкар-Оласе кудывечылаште диспансеризацийын икымше этапшым эртен.
10 август эрдене Западный уремысе 21-ше, 23-шо, 23А пӧрт-влак воктене «Тазалык пункт» почылтын. Тушто шке тазалыкым тергаш кумылан-влакым «Здоровая республика» проектын координаторышт да волонтёр-медик-влак вашлийыныт.
Специалист-влак волонтёр-медик-шамыч дене пырля 4 шагат жапыште 60 утла пациентым терген лктыныт.
Марий Эл Республикым Вуйлатышын «Здоровая республика» проектше да «Тазалык пункт» акций нерген Тазалык аралтыш министерствын официальный лаштыкыштыже да соцкыллаште пален налаш лиеш.