Марий кундемысе уголовно-исполнительный системыш у пашаеҥ-влак пашам ышташ толыныт.
Россий УФСИН-ын Владимир ден Самара олаласе юридический институтлам тунем пытарыше-влаклан дипломым кучыктеныт. Нунын кокла гыч нылытын Марий Эл гыч улыт. Ынде нуно шке кундемысе исправительный учрежденийласе оперативный, лӱдыкшыдымылык да орол пӧлкалаште пашам ышташ тӱҥалыт. Самырык специалист-влакым Россий УФСИН-ын Марий Элысе управленийжым вуйлатышын сомылжым шуктышо, полковник Дмитрий Филин саламлен.