Димлама

Узбек кочкышым ышташ тунемына.

Кӱлыт: 70 мл нӧшмӱй, 500 г ушкал але шорык шыл, 2 шоган, 2 помидор, 2 кугу кешыр, 1 чеснок, 1 шере пурыс, 1 ковышта, 500-700 г пареҥге, укроп, петрушко (зелень), шинчал, пурыс, зира да моло приправе.

Казаныште нӧшмӱйым ырыктыза да тушто кугуракын падыштыме шылым жаритлыза. Вара пел оҥгыла падыштыме шоганым ешарыза да ошалге кӱрен тӱсан лиймеш жаритлыза. Помидорым пел оҥгыла пӱчкедыза да тушко специй дене пырля ешарыза, 5 минут тушитлыза. Вара тушкак чеснокым пӱтынек пыштыза.

Тышкак лончо дене кужун пӱчкедыме шере пурысым, кешырым ешарыза. Ӱмбакше шинчалым да укропым, петрушкым шавалтыза. Вес лончыш ныл ужашлан шелме пареҥгым пыштыза. Изи пареҥгым падыштыде пышташ лиеш. Вара шинчалым, укропым, петрушкым, зира приправым изиш шавалтыза. Пытартыш лончыш ковышта лышташым оптыза. Ӱмбакше шинчалым шавалтыза да 2 стакан шолшо вӱдым опталза. Шолаш пурымеке, изи тулеш 1,5 шагат кӱктыза.

Кочкышым тарелкышке мӧҥгешла шумовко дене оптыза. Ӱмбалныже шыл кодшаш. Шыл ӱмбаке кодшо лемым ешарыза.

Димлама кочкышым укроп да петрушко дене сӧрастарыза. Кочкыш ямде!