Ноябрь кыдалне Российыште икымше гана военно-патриотический диктант лийын. Тудым Российысе «Знание» обществын полшымыж дене Моско кундемысе «Авангард» учебно-методический рӱдер эртарен.
Диктантым элнан 87 регионыштыжо возеныт. Тушко Марий Элысе «Авангард» рӱдерын курсантше-влак ушненыт. Ик шагатыште историй дене кылдалтше 60 йодышлан вашмутым пуэныт. Нуно кучедалмаш, сар ӱзгар, герой ден полководец-влак, кугыжаныш символ, памятник да тулеч моло дене кылдалтыныт. Диктантым 9-10 декабрьыште иктешлат. Сеҥышыш лекше-влаклан шергакан пӧлекым пуат, участник-шамычлан – сертификатым.