✍ Марий Элыште илыше-влакым «Тотальный диктант» калык кокласе шинчымаш акцийыш ушнаш ӱжыт.
Диктантым 5 апрельыште возаш тӱҥалыт. А тиде шуматкечын, 29 мартыште, 13 шагатлан Йошкар-Олаште С.Г.Чавайн лӱмеш книгагудышто акцийыш ушнаш шонышо-влаклан консультаций эртаралтеш.
Кажне ийын ты диктантлан у текстым возат. Тений тудын авторжо –йоча писатель, сценарист Марина Москвина. Республикыштына шке шинчымашым шым площадкыште очно тергаш лиеш манын палемдыме. Тӱҥ вер-влак ончычсо семынак С.Г.Чавайн лӱмеш книгагудо да классический университетын тӱҥ корпусшо лийыт. Тылеч посна диктантым Волжскышто, Козьмодемьянскыште, Звениговышто да У Торъял посёлкышто возаш лиеш.
🌐 Акцийыш ушнашлан просветительский проектын официальный порталыштыже регистрацийым эртыман: totaldict.ru/