Шӱдыр-влак шижтарат
ШОРЫК. Шонымашке шуаш манын, вожылмо койышда деч утлыман, лӱддымылыкым ончыктыман. Кеч-могай нелылыкым сеҥаш вийда сита. Пашаштыда у кӱкшытыш шуын кертыда.
ПРЕЗЕ. Декабрьыште шӱдыр-влак тендан вийдам тергаш тӱҥалыт. Лӱдман огыл. Чыла йодышым иканаште решатлаш ида тӧчӧ. Ик целым шынден, тушко шуаш тыршыман. Тылзын икымше пелыштыже шӱм пелашда дене умылыдымаш лектын кертеш. Паша деч каналташат ида мондо.
ЙЫГЫР. Кугыеҥ-влакым колыштса, тиде тылзын нуно поснак кӱлеш каҥашым тыланда пуат. Шкет еҥлан шӱм пелашым вашлияш йӧн лектеш.
РАК. Чын ышташ але чон йодмым колышташ логалеш. Еҥ-влакын шонымашыштым шотыш налза, но кеч-могай решенийым шке приниматлыза.
ЛЕВ. Ида вашке, шым гана висыза да ик гана пӱчса калыкмут ты тылзын лач толеш. Паша планым ямдылыза. Йӧратыме еҥланда жапым шукырак ойырыза.
ӰДЫР. Идалыкын пытартыш тылзынже ида вашке: ны пашаш, ны скидкылан…Чыла вере шуыда. Пӱртӱс лоҥгаште канаш сай жап. Шӱм пелашда коклаште йӧратымаш тул эшеат чот ылыжеш.
ВИСА. Декарь тыланда шымлыме тылзе лиеш. Чон-кумыл пашалан шӱмаҥыда. Иктым ыштен ончалыда, весым, икманаш, чонланда келшыше пашам кычалыда. Шкендам У ий деч ончычак пӧлек дене куандарыза. Пелашдан йӧратымашыжым сайын шижыда. Шкет улшо-влак йӧратымашым вашлийын кертыт.
СКОРПИОН. Ушыштыда миллион шонымаш пӧрдеш. Чыла иканаште ышташ шонеда. Вийда шуко, пайдале пашалан молан колташ огыл? Тӱҥжӧ – нойымешке ида толаше. Южгунам нимом ыштыдымашат сай. У паша кӱкшытыш шуыда але сай премийым налыда.
ПИКШЫЗЕ. Чыла шотыштат сай тылзе лиеш. Кӱлеш жапыште кӱлеш верыште лийыда. Пашаште пиалан тат вуча, а пӱрымаш у да оҥай вашлиймашым ямдыла.
ИРКАЗА. Декабрьыште йӧратымашым вашлийыда. Пашаштат чыла сай лиеш. Шӱдыр-влак у чон-кумыл пашам муаш темлат.
ВӰД ЙОКТАРЫШЕ. Чыла кӧргыштыда кучеда. Тургыжланымашдам иктыланат огыда ончыкто. Тиде удажак огыл, но йӧратыме еҥда тудын деке йӱкшенда манын шоналтен кертеш. Тылзын икымше пелыштыже пашаште умылыдымаш конфликтыш шуктен кертеш.
КОЛ. Кугу да шерге сатум налаш шонеда, сандене окса йодыш чондам ты тылзын сайынак туржеш, вет лишыл еҥда-влаклан У ий пӧлекымат ыштымыда шуэш. Ида ойгыро. Шулдакан пӧлекым кучыктеда гынат, нуно тыланда огыт сыре.