12 да 13 апрельыште Москошто ты олан фигурный мунчалтымаш шотышто президентын федерацийжын призше верч всероссийский таҥасымашыште землячкына Дарья Садкова 1-ше верым налын.
Тушто ӱдыр 192.42 баллым поген да 15 спортсменке коклаште ойыртемалтын.
А тылеч ончыч Марий Эл гыч кок ӱдыр фигурный мунчалтымаш дене Российын первенствыштыже таҥасен.
Дарья Садкова тунам 123,15 баллым поген да той медальым сеҥен налын. Икымше верыште Татарстанын спортсменкыже лийын, а кокымшышто – Тверь областьын. Марий Элын вес шочшыжо Агнета Латушкина таҥасымашыште 15-ше верым налын.