11-12 ноябрьыште Озаҥ олаште ийыште фигурный мунчалтымаш дене Российысе Гра-прин IV йыжыҥже эртен.
Марий Эл Республикысе ийыште мунчалтымаш спорт школын тунемшыже Дарья Садкова кумшо верым налын. Фигурист-влак икымше кечын кӱчык программышт дене выступатленыт гын, кокымшо кечын посна программыште мастарлыкыштым ончыктеныт. Кок программе дене Д.Садкова 214,54 баллым поген да кумшо лийын. Кокымшо верыште – Алина Горбачёва (Тверь область), икымше – Софья Муравьёва (Москва).
Палемдена, Д.Садкова Российысе «Хрустальный» ий полатыште Российын лӱмлӧ тренерже Э.Тутберидзен группыштыжо шуаралтеш.