4 июньышто Санкт-Петербургысо «Юбилейный» спорт комплексыште 18 ияш марте ӱдыр-рвезе-влак коклаште дзюдо дене Анатолий Рахлинын кубокшо верч XI тӱнямбал турнир эртаралтын.
Тушто 17 тӱрлӧ нелытан тӱшкаште 530 рвезе да 186 ӱдыр таҥасеныт. Дзюдо дене Марий Элысе спорт школын спортсменже Данил Лылов кумшо верым налын. Тидын дене самырык спортсмен Российын спорт мастерыш кандидатышкыже норматившым шуктен.