8 июльышто Медведево район Цибикнур селалан 300 ий темме пайремым эртареныт.
Тиде лӱмгечылан тыште илыше-влак эше январьыште ямдылалташ тӱҥалыныт, планым ыштеныт. Шошым калык коштмо верлам эрыктеныт, селаш пурымаште «Я люблю Цибикнур» ден «Я люблю Эҥерӱмбал» стеле-влакым шогалтеныт. Молан кокытым? Вет 1977 ий марте Эҥерӱмбал посна ял лийын, варажым тудо Цибикнурыш пурталтын, тудын Заречный уремышкыже савырнен.
Пайрем вашеш селасе южо верыште асфальтым тӧрлатыме. Чыла уремыште огыл гынат, кудалышташ сайрак лийын, маныт. Июньышто, Цибикнурым дельтаплан гыч сниматлен, видеом войзеныт. Селан историйже нерген фильмым ямдыленыт.
Спорт таҥасымаш-влакат шошым эртаралтыныт. Тидын нерген селан старостыжлан вич ий пашам ыштыше С.А.Иванов каласкалыш:
Умбакыже — «Кугарня» газетыште лудаш темлена.