Марий Элысе Национальный президент сымыктыш школ-интернатыште 40 утла ий воспитательлан пашам ыштыше Н.А.Воронцова тӱрлаш моткоч мастар. Тудо ты школысо йоча-влакымат ынде визымше ий тиде сомыллан туныкта. Шыман мутланен, шуко кӱлешан пашалан, койышлан кумылаҥдымыжлан ӱдыр-рвезе-влак тудым йӧратат да пагалат.
…
…
Усталык кова деч куснен
Надежда Аркадьевна «Вышивка» урокым шымше ий туныкта. Туныктымо методикым тудо шкеак ямдылен. Советский вел ӱдырым марий сымыктышлан аваже Светлана Филипповна ден кок коваже шӱмаҥденыт. У Торъял район Чӱксола ялыште илыше коваже Мария Михайловна Соколова тӱрлаш мастар лийын. Вес коваже Мария Захаровна Лебедева ыштырым, вургемым, котомкам, шовычым, шымакшым шке ыштен. Аважын тувыржо гын кабинетыштыже кеча, тусо тӱр нерген туныктышо чӱчкыдынак йоча-шамычлан каласкала.
«Мый тӱрлӧ калыкын йӱлаж нерген литературым изи годсек лудаш йӧратенам. Поснак классике, почеламут-влак келшат. Руш классический произведенийлаште руш йӱла нерген шуко ойлалтеш. Тунамак марий калыкын йӱлажлан шӱмаҥынам, – мане Надежда Аркадьевна. – А кызыт уло мастарлыкем, шӱм-чонемым йоча-шамычлан пуэн. Нуным литературылан эҥерташ туныктем, мастарлыкыштым тукым гыч тукымыш пуышт манын тыршем».
Ушемым чумырен
Надежда Аркадьевна школыштыжо тӱрлаш кумылан-влакым посна ушемыш чумырен. Тудо «Художественная вышивка крестом» маналтеш. Кызыт тушко 4-8-ше тӱрлӧ классыште (музыкальный, театральный да художественный) тунемше 18 еҥ коштеш.
…
…
ТИЧМАШ текстым 2021 ий 22 январьыште лекше «КУГАРНЯ» газетыште лудса.