Тыгай проект почеш паша Ханты-Мансийск олаште шукталтеш.
13 декабрьыште ты проект почеш эртарыме «Куштымаш йылме семын» проектын вашлиймашыже лийын. Тудо Обь эҥер воктене илыше угор калык-влакын куштымашыштлан пӧлеклалтын. Тышке 6-11-ше класслаште тунемше-шамычым ӱжыныт. Нунылан Юграсе кугыжаныш книгагудышто ончерым ямдылыме, а тудын покшелныже чумым келыштарыме. А вашлиймашышке манси калыкын Ялпус махум тукымжо гыч актрисе, писатель, этнограф А.Иштимирова-Посохова ден хореограф, шымлызе да реконструктор Фаина Иштимирова толыныт.